Tuesday, October 27, 2009

ലവ് ജിഹാദികള്‍ അറിയാന്‍ ....

ശ്ശെ, ഞാന്‍ ഇക്കാര്യമൊന്നും അറിഞ്ഞില്ലല്ലോ പടച്ചോനേ! മനോരമയ്ക്കും കൌമുദിക്കും ഒക്കെ ഒരു രണ്ടു കൊല്ലം മുമ്പ് ഈ ന്യൂസ്‌ പുറത്തു വിട്ടൂടായിരുന്നോ? ഒരു കള്ള ഹിമാറ് ജിഹാദിക്കും 2007 ഏപ്രിലിനു മുന്‍പ്‌ ഈ പ്രതിശ്രുത വരന്റെ അടുത്ത് വരാന്‍ തോന്നിയില്ലല്ലോ?! അന്നെനിക്ക് ബൈക്കില്ല, കാറില്ല,  പൈസ കിട്ടിയാല്‍ കൈക്കില്ല. ഞാനാണെങ്കി, ഫാറൂക്ക് കോളേജ്  എന്ന പൂങ്കാവനത്തില്‍ പാറി നടക്കുന്ന ഒരു യുവ കോളേജ് ലെക്ചറര്‍ ‍, UGC ശമ്പളം വാങ്ങുന്ന അവിവാഹിതന്‍ ! ആറടിയിലധികം ഉയരം, സാമാന്യം വെളുത്ത നിറം, കാണാന്‍ സുന്ദരനെന്ന അഹങ്കാരം; എന്തിനധികം പറയുന്നു ഞാനെന്നാല്‍ ഒരു മഹാ പ്രസ്ഥാനം തന്നെ ആയിരുന്നു. ഏതു പെണ്ണായാലും ഒന്ന് മോഹിച്ചു പോകും, sigh!!


ഒരു പരട്ട _____മോനും എന്നോട് വന്നു "ലവ് ജിഹാദ്" പ്രസ്ഥാനത്തില്‍ ചേരണം, ഊര്‍ജ്ജസ്വലമായി പ്രവര്‍ത്തിക്കണം എന്നൊന്നും പറഞ്ഞില്ല. എന്റെ പ്രായമോ, നല്ല ചോര തിളയ്ക്കുന്ന ലവ് ജിഹാദ് പ്രായം! ലവ് ജിഹാദ് വൈറസ്‌ രണ്ടു കിലോമീറ്റര്‍ അപ്പുറം ബൈപ്പാസിലൂടെ സൈക്കിളില്‍ പാട്ടും പാടി പോയാലും പനി വരുന്ന സുന്ദര സുരഭില മനോജ്ഞ  കാലം. എന്ത് ചെയ്യാം, ഒന്നും നടന്നില്ല: കാരണമെന്താ? ആരും ഒരു പ്രചോദനവും തന്നില്ല! എനിക്കീ തീവ്രവാദി എന്ന് പറയുന്ന അവന്മാരോടെല്ലാം ഭയങ്കര കലിയാണ്, തീര്‍ത്താല്‍ തീരാത്ത പകയാണ്. അഞ്ചു പൈസക്ക്‌ കൊള്ളില്ല! അല്ലെങ്കില്‍ പൂവന്‍പഴം പോലത്തെ ഒരു ലവ് ജിഹാദി ഇവിടെ റെഡിയായി നിന്നിട്ട് ഒരുത്തനും തിരിഞ്ഞു നോക്കിയില്ലല്ലോ?!


അവസാനം എന്ത് സംഭവിച്ചു! പാവം മാഷ്‌, ഒരു സാധാരണ മുസ്ലിം student ‌-നെ കെട്ടി (അത്യാവശ്യം വിപ്ലവമായിത്തന്നെ) സായൂജ്യമടയേണ്ടി വന്നു. ബൈക്ക് കിട്ടിയോ? ലക്ഷം കിട്ടിയോ? ഇല്ല!!


സാരമില്ല, ഓരോ ജിഹാദിക്കും നാലെണ്ണം വരെ കെട്ടാം എന്നാണല്ലോ ഉസാമ ബിന്‍ ലാദന്റെ ജിഹാദിസ്റ്റ് മാനിഫെസ്റ്റോയില്‍ പറഞ്ഞിരിക്കുന്നത്. ഞാന്‍ റെഡിയാണ്, ലവ് ജിഹാദികള്‍ എന്ത് പറയുന്നു?! ആരും സഹായത്തിനില്ലെങ്കില്‍ ഞാന്‍ സ്വന്തം നിലയ്ക്ക് പഴശ്ശി രാജാ മാര്‍ക്ക്‌ ഒളി-ജിഹാദ് തുടങ്ങും, ജാഗ്രതൈ!


ലവ് ജിഹാദിന് എല്ലാ പരസ്യവും തന്നു അകമഴിഞ്ഞ് സഹായിച്ച മലയാള മനോരമ, മാതൃഭൂമി, കേരള കൌമുദി, ജന്മഭൂമി തുടങ്ങിയ  ദേശസ്നേഹി പത്രങ്ങള്‍ക്കു എന്റെ ഹൃദയം നിറഞ്ഞ നന്ദി! നന്ദിസൂചകമായി ഞാന്‍ ഈ പത്രങ്ങള്‍ക്കു കൊടുക്കുന്ന പരസ്യത്തിന്റെ പകര്‍പ്പ്‌ താഴെ ചേര്‍ക്കുന്നു:
        മാപ്പിള യുവാവ്, 31 വയസ്സ്‌, വെളുത്ത നിറം, 184 സെമി ഉയരം, ഗവ. കോളേജ് ലക്ചറര്‍, ഗസറ്റഡ് ഓഫീസര്‍, നിലവില്‍ ഒരു ഭാര്യ പൂജ്യം മക്കള്‍, താല്‍പ്പര്യമുള്ള അമുസ്ലിം യുവതികള്‍ താഴെ കൊടുക്കുന്ന നമ്പറിലേക്ക്  മിസ്സ്‌ അടിക്കുക. നിങ്ങള്‍ പറയുന്ന സ്ഥലത്ത്‌ പറയുന്ന സമയത്ത്‌ കാറുമായി വരുക, ഐസ്ക്രീം, ചോക്കലേറ്റ്‌ എന്നിവ ഇഷ്ടം പോലെ വാങ്ങി തരുക, സിനിമ കാണിച്ചു തരുക, മണിക്കൂറുകളോളം മൊബൈല്‍ ഫോണില്‍ പഞ്ചാര വര്‍ത്താനം പറയുക, അശ്ലീല SMS ഇടതടവില്ലാതെ അയക്കുക തുടങ്ങിയ ജോലികള്‍ വളരെ ഭംഗിയായും വൃത്തിയായും ചെയ്തു തരുന്നതാണ്. വിവാഹം കഴിക്കാതെ കറങ്ങി നടക്കാന്‍ മാത്രം താല്‍പ്പര്യമുള്ളവര്‍ അപേക്ഷിക്കേണ്ടതില്ല.

4 comments:

  1. ലവ് ജിഹാദികല്ക്കു എല്ലാ പരസ്യവും തന്നു അകമഴിഞ്ഞ് സഹായിച്ച മലയാള മനോരമ, മാതൃഭൂമി, കേരള കൌമുദി, ജന്മഭൂമി തുടങ്ങിയ ദേശസ്നേഹി പത്രങ്ങള്‍ക്കു എന്റെ ഹൃദയം നിറഞ്ഞ നന്ദി!

    Riyan.

    ReplyDelete
  2. This comment has been removed by the author.

    ReplyDelete
  3. sir, adipoli.....oru kott, kodathikkum kodukkamayirunnu.....love jihad, romio jihad terms yathoru uluppumillathey aatu paranhadine....pinne amuslim yuvathikk chuluviloru invtationumayallo(akshepa hasyathiloode)...kochu kallan, aa poothi avide vachal mathi!!!!

    ReplyDelete

Please spare a moment to scribble something; Let's know you visited!

Related Posts with Thumbnails