Saturday, October 31, 2009

സിനിമാ നിരൂപണം: "ലവ് ജിഹാദ്"

കേരളത്തില്‍ വളരെ വിജയകരമായി ബോക്സ്‌-ഓഫീസ് കലെക്ഷനുകള്‍ തകര്‍ത്ത്‌ മുന്നേറിക്കൊണ്ടിരിക്കുന്ന ഒരു ചിത്രത്തെ പറ്റിയാണ് എന്റെ ഇന്നത്തെ നിരൂപണം. മദനി- ദി ടെറരിസ്ട്, അഭയ കൊലക്കേസ്: ഒരു CBI ഡയറിക്കുറിപ്പ്‌, മുത്തൂറ്റ് വധം ആട്ടക്കഥ എന്നീ സൂപ്പര്‍ ഹിറ്റുകള്‍ക്ക് ശേഷം ഇത്രയധികം വരവേല്‍പ്പ്‌ ലഭിച്ച ഒരു മലയാള ചലച്ചിത്രം അടുത്തിടെ ഉണ്ടായിട്ടില്ല തന്നെ! ഈ ചിത്രത്തെ പറ്റി പറയുമ്പോള്‍ എടുത്തു പറയേണ്ട മറ്റൊരു വസ്തുത, ഈ സിനിമയുടെ ജനപിന്തുണയാണ്. കേരളത്തിലെ ആയിരക്കണക്കിന് നിരൂപകരില്‍ ഒരാള്‍ പോലും ഈ സിനിമയെ കുറിച്ച് മോശമായ ഒരു അഭിപ്രായം ഇത് വരെ പറഞ്ഞു കേട്ടിട്ടില്ല. ഏതു ചവറു മലയാള ചലച്ചിത്രത്ത്തെയും നഖശിഖാന്തം കീറിമുറിച്ച്‌ പരിശോധിക്കുന്ന ചില നിരൂപകരാകട്ടെ, നിശ്ശബ്ദത പാലിക്കുകയാനുണ്ടായത്! മലയാളത്തില്‍ മാത്രമല്ല ഇന്ത്യയിലെ മറ്റു ഭാഷകളിലും ഈ ചിത്രം റിലീസ് ചെയ്യുന്നുണ്ട്. ഹിന്ദി രൂപത്തിന് കാര്യമായ ചലനം സൃഷ്ടിക്കാന്‍ കഴിഞ്ഞില്ല. കന്നടയില്‍ ചിത്രം ഇറങ്ങിക്കഴിഞ്ഞു. നല്ല സ്വീകരണമാണ് ലഭിക്കുന്നത്. തമിഴ്, തെലുങ്ക് പതിപ്പുകള്‍ ഉടന്‍ ഇറങ്ങും എന്ന് കരുതുന്നു.  ഉടനെതന്നെ ഇതിന്റെ രണ്ടാംഭാഗവും മൂന്നാം ഭാഗവും ഇറക്കാന്‍ ധാരണയായതായി അറിയാന്‍ ലേഖകന് കഴിഞ്ഞു. രണ്ടാം ഭാഗം "ക്ലിനിക്കല്‍ ജിഹാദ്" എന്നും മൂന്നാംഭാഗത്തിന് "ഷെയര്‍-മാര്‍കറ്റ്‌ ജിഹാദ്" എന്നും പേരിട്ടു കഴിഞ്ഞു.  ഇതിനു പണം മുടക്കാന്‍ തയ്യാറായി ശ്രീ. നാരായണ പണിക്കരും ജന്മഭൂമി ഫിലിംസും മുന്നോട്ടു വന്നിട്ടുണ്ട്.  കഥ സംഘപരിവാരന്റെത് തന്നെ! ചിത്രത്തിന്റെ വിശദമായ ആസ്വാദനം ചുവടെ ചേര്‍ക്കുന്നു:
            കഥാതന്തു: ഈ സിനിമ റൊമാന്റിക്‌ സസ്പെന്‍സ്‌ ത്രില്ലര്‍ എന്ന ഗണത്തില്‍ പെടുത്താവുന്ന ഒന്നാണ്. വ്യത്യസ്ത മതസ്ഥരായ രണ്ടു ജോടികളുടെ പ്രണയവും വിവാഹവും അതിനെത്തുടര്‍ന്നുണ്ടാകുന്ന പ്രശ്നങ്ങളുമാണ്  ഈ ചലച്ചിത്രത്തിന്റെ ഇതിവൃത്തം. സുന്ദരമായ മായികക്കാഴ്ച്ചകളുടെ പുറം മോടിക്കുള്ളില്‍ ഈ രണ്ടു പ്രണയങ്ങള്‍ക്കും മറ്റു ചില ഉദ്ടെശ്ശലക്ഷ്യങ്ങള്‍ ഉണ്ടായിരുന്നു എന്ന് സൂചിപ്പിക്കപെടുന്നിടത്താണ് ഈ സിനിമ പ്രേക്ഷകന്റെ ഹൃദയത്തെ തകിടം മറിക്കുന്നത്. ഇടവേളയ്ക്കു ശേഷം കഥ ഒരു പ്രേമകാവ്യത്തിന്റെ രൂപം വെടിഞ്ഞു കുറ്റാന്വേഷണ നിഗൂഡരൂപം സ്വീകരിക്കുന്നു. കഥയുടെ അവസാനം തീര്‍ച്ചയായും പ്രേക്ഷകനെ പിടിച്ചിരുത്തും, ഇളക്കി ചിന്തിപ്പിക്കും! പ്രേക്ഷകന്‍ ഒരിക്കലും സ്വപ്നം പോലും കാണാത്ത തലത്തിലേക്ക് കഥാഗതിയെ കൊണ്ടെത്തിക്കുന്ന കഥാകൃത്തിന്റെ കഴിവാണ് ഈ സിനിമയുടെ വിജയം. രക്ഷിതാക്കളുടെ കടുത്ത എതിര്‍പ്പിനെ വകവെക്കാതെ ഒന്നാകുന്ന കമിതാക്കളെ നാം മുന്‍പ് പല സിനിമകളിലും കണ്ടിട്ടുണ്ട്. പക്ഷെ പിന്നീടങ്ങോട്ട് ഹൃദയത്തെ പിടിച്ചുലയ്ക്കുന്ന, ചോര കല്ലാക്കുന്ന ഒരു ഗൂടാലോചാനയുടെ ചുരുള്‍ വിടരുകയാണ്. വിവാഹ ശേഷം ഈ പെണ്‍കുട്ടികള്‍ തങ്ങള്‍ അകപ്പെട്ട കെണി തിരിച്ചറിയുന്നതും ഒരു മാധ്യമ പ്രവര്‍ത്തകന്റെയും സാമൂഹ്യ സേവാ പ്രവര്‍ത്തകന്റെയും സഹായത്താല്‍ രക്ഷപ്പെടുന്നതുമാണ് ഈ സിനിമയുടെ ഇതിവൃത്തം! ഇതിനിടയില്‍ പോലീസിന്റെയും സാമൂഹ്യ പ്രതിബദ്ധതയുള്ള ഒരു ജട്ജിയുടെയും സഹായത്തോടെ ഇവര്‍ ഒരു അന്താരാഷ്ട്ര തീവ്രവാദി ഗൂഢാലോചന വെളിച്ചത്തു കൊണ്ടുവരുന്നു. യുവാക്കളെ ഉപയോഗിച്ച് അന്യ മതസ്ഥരായ യുവതികളെ വശത്താക്കുകയും മതം മാറ്റുകയും ചെയ്യുക എന്നതാണ് ഈ തീവ്രവാദികളുടെ ഗൂടലക്ഷ്യം. ലക്ഷ്യപ്രാപ്തിക്കായി ഭീകരര്‍ ഉപയോഗിക്കുന്ന മാര്‍ഗങ്ങളും അവരുടെ ഭീകര സംഘടനാ പ്രവര്‍ത്തനങ്ങളും അവര്‍ ചെയ്തു കൂട്ടിയ കുറ്റകൃത്യങ്ങളും എല്ലാം ഒന്നൊഴിയാതെ പ്രതിപാദിക്കുന്നുണ്ട് ചിത്രത്തില്‍. കഥയുടെ വിശദാംശങ്ങള്‍ കൊണ്ട്, പ്രത്യേകിച്ചും ഭീകരരുടെ പ്രവര്‍ത്തനങ്ങളെ പറ്റിയുള്ള വളരെ ആത്യന്തികമായ വിവരങ്ങള്‍ കൊണ്ട് നമ്മെ അമ്പരപ്പിക്കുകയും വളരെയധികം പേടിപ്പെടുത്തുകയും ചെയ്യുന്നുണ്ട് ഈ മനോഹര ചലച്ചിത്രം!
          സംവിധാനം, തിരക്കഥ: മലയാളത്തില്‍ കഴിഞ്ഞ പത്തു വര്‍ഷത്തില്‍ ഉണ്ടായിട്ടുള്ള ഏറ്റവും നല്ല തിരക്കഥയാണ് ഈ ചിത്രത്തിന്റെതെന്നു നിസംശയം പറയാം! ഇതിനോട് കുറച്ചെങ്കിലും കിട പിടിക്കാവുന്നത് ഒരു പക്ഷെ അഭയ കൊലക്കേസ്: ഒരു CBI ഡയറി കുറിപ്പ്‌, മുത്തൂറ്റ് വധം ആട്ടകഥ, ചാരം + കേസ്‌ = ISRO, എന്നീ ചിത്രങ്ങളുടെ തിരക്കഥ ആയിരിക്കും. ചിത്രത്തിന്റെ സംവിധാനം എടുത്തു പറയേണ്ട ഒന്നാണ്; ചിത്രത്തിന്റെ സഹസംവിധായകനും കഥാക്രുത്തുമായ ശ്രീ. സംഘ പരിവാരന്‍ കുറച്ചു കാലമായി ഈ കഥ മനസ്സിലിട്ടു നടക്കുകയായിരുന്നു എന്നാണറിവ്. പല പ്രമുഖ സംവിധായകരോടും കഥ പറഞ്ഞെങ്കിലും അവരാരും വേണ്ട പ്രോത്സാഹനം നല്‍കിയില്ല. പിന്നീട് ചിത്രത്തിന്റെ സംവിധായകന്‍ ശ്രീ. സഭാ പതി സ്വന്തം നിലയ്ക്ക് ചിത്രം സംവിധാനം ചെയ്യാന്‍ തീരുമാനിച്ചു. മുന്‍കാലങ്ങളില്‍ തമ്മില്‍ ചില കശ പിശകള്‍ ഉണ്ടായിട്ടുണ്ടെങ്കിലും സംവിധായകനും കഥാകൃത്തും ഈ ചിത്രത്തിന്റെ നിര്‍മാണ വേളയില്‍ പരിപൂര്‍ണമായി അന്യോന്യം സഹകരിച്ചു പ്രവര്‍ത്തിച്ചു. ഈ ചിത്രത്തിന്റെ കഥ കേള്‍ക്കാനിടയായ ശ്രീ. വെള്ളാപ്പള്ളി നടേശന്‍ എത്ര രൂപ വേണമെങ്കിലും മുടക്കാന്‍ തയ്യാറായി മുന്നോട്ടു വരികയായിരുന്നു. തന്റെ രാഷ്ട്രീയ എതിരാളി ശ്രീ. ഗോകുലം ഗോപാലന്‍ സിനിമയിലും രാഷ്ട്രീയത്തിലും വിജയം വരിക്കുന്നത് തടയിടാനുള്ള വെള്ളാപ്പള്ളിയുടെ തന്ത്രമായി ഈ സിനിമയെ കാണുന്ന വിമര്‍ശകരും ഉണ്ട്. ഭാവിയിലും തന്റെ നിലനില്‍പ്പിനു പ്രസ്തുത കഥാകൃത്തിന്റെ സഹകരണം തനിക്കു ലഭിക്കണമെന്ന തിരിച്ചറിവാണ് നിര്‍മാതാവിനെ സ്വാധീനിച്ചതെന്നാണ് ചിലരുടെ പക്ഷം.
             അഭിനേതാക്കള്‍: രണ്ടു നായികമാരും രണ്ടു നായകന്മാരും ഈ ചിത്രത്തിലുണ്ട്. നാലുപേരും പുതുമുഖങ്ങള്‍ ആണെങ്കിലും അവരവരുടെ വേഷം ഭംഗിയാക്കി. നായകന്മാര്‍ പിന്നീട് വില്ലന്മാരായി പരിണമിക്കുന്നു എന്നതാണ് ഈ സിനിമയുടെ മറ്റൊരു പുതുമ. പാത്രസൃഷ്ടിയുടെ വൈഭവത്താല്‍ ഈ വേഷങ്ങള്‍ മികച്ചതാവുന്നു. ജഡ്ജിയുടെ വേഷം അവതരിപ്പിച്ച ശങ്കര്‍ജി വളരെ തന്മയത്വത്തോടെ തന്റെ ഭാഗം അഭിനയിച്ചിരിക്കുന്നു.  സമൂഹത്തിലെ അനീതികളോട് നിഷ്പക്ഷമായി പ്രതികരിക്കുന്ന, പൊട്ടിത്തെറിക്കുന്ന നീതിന്യായ വ്യവസ്ഥയുടെ ചുറുചുറുക്കുള്ള കാവലാളായി അദ്ദേഹം മനോഹരമായി അഭിനയിച്ചു. പത്രപ്രവര്‍ത്തകനായി വെള്ളാപ്പള്ളിയും അദ്ദേഹത്തിന്റെ സഹായിമാരായി കണ്ടത്തില്‍ മത്തായിയും മര്‍ഡോക്ക് എന്ന സായിപ്പും തകര്ത്തഭിനയിച്ചു, അഭിനയിക്കുന്നു എന്ന തോന്നലുളവാക്കാതെ! സാമൂഹ്യ പ്രവര്‍ത്തകനായി സംഘ പരിവാരന്റെ ലാളിത്യം കലര്‍ന്ന അഭിനയം പ്രത്യേകം പരാമര്‍ശം അര്‍ഹിക്കുന്നു. ഒരു സഹനടന്റെ റോളില്‍ ആയിട്ട്  പോലും പുന്നൂസ് അച്ചായന്‍ കലക്കി. അതിഥി താരമായെത്തിയ ലീല മേനോന്‍ കഥയ്ക്ക്‌ മിഴിവേകി. ജിഹാദികളുടെ  ഏറ്റവും ആദ്യത്തെ ഇര ആയ നിഷ്കളങ്കയായ ഗ്രാമീണ ബാലികയെ അവതരിപ്പിച്ച കമല സുരയ്യ തന്റെ സിനിമയിലെ അരങ്ങേറ്റം അവിസ്മരണീയമാക്കി. മറ്റു അഭിനേതാക്കളും സിനിമയോട് നൂറു ശതമാനം നീതി പുലര്‍ത്തി എന്ന് പറയാതെ വയ്യ.
             സാങ്കേതികം: ഛായാഗ്രഹണം നിര്‍വഹിച്ച എശ്യാവല തന്റെ കര്‍ത്തവ്യം വളരെ ഭംഗിയാക്കി. പശ്ചാത്തല സംഗീതം ഒരുക്കിയ കേയ്സീബീസീ - ജന്മഭൂമി എന്നിവരുടെ കഴിവ് എത്ര അഭിനന്ദിച്ചാലും അധികമാവില്ല. കഥയുടെ മുന്നേറ്റത്തിനു തടസ്സമാകാതെ ഗാനങ്ങള്‍ ഒരുക്കിയത്‌ കൌമുദി - മനോരമ ദ്വയം ആണ്.  "നിര്‍ബന്ധിത മതപരിവര്‍ത്തനം .." എന്ന് തുടങ്ങുന്ന ഗാനം വെള്ളാപ്പള്ളി നടേശന്‍ ഹൃദ്യമായി പാടി. "ഇടയ ലേഖനം ..." എന്ന ഗാനം ആലപിച്ച ഫാദര്‍,  "കമലാ  സുരയ്യാ .. " എന്ന ഗാനം ആലപിച്ച ലീല മേനോന്‍ എന്നിവരും മോശമാക്കിയില്ല. ചിത്രത്തിന്റെ വിതരണം ഏറ്റെടുത്തിരിക്കുന്നത് കണ്ടത്തില്‍ മൂവീസ്, SNDP റിലീസ്, കേരളകൗമുദി ടാല്‍കീസ്, ജന്മഭൂമി ഫിലിംസ് എന്നിവര്‍ സംയുക്തമായാണ്. സാമൂഹ്യ പ്രതിബദ്ധത കണക്കിലെടുത്ത്‌ സര്‍ക്കാര്‍ ചിത്രത്തിന് ടാക്സ് ഇളവ് നല്‍കാന്‍ ആലോചിക്കുന്നുണ്ട്.
          പരിമിതികള്‍: ഈ ചിത്രത്തിന്റെ ചില പരിമിതികള്‍ കണ്ടില്ലെന്നു നടിക്കാനാകില്ല. വളരെ വിശദമായി തീവ്രവാദി സംഘത്തിന്റെ നീക്കങ്ങളും പ്രവര്‍ത്തന രീതികളും റിപ്പോര്‍ട്ട്‌ ചെയ്യുന്ന പത്രപ്രവര്‍ത്തകന്‍, അദ്ദേഹം തന്നെയാണോ ഈ സംഘത്തിന്റെ തലവന്‍ എന്ന സംശയം ജനിപ്പിക്കുന്നു. എങ്ങനെയാണ് രണ്ടാഴ്ചകള്‍ കൊണ്ട് ഈ ചെറുപ്പക്കാര്‍ വിദ്യാസംബന്നകളും ബുദ്ധിമതികളുമായ സ്ത്രീകളെ പാട്ടിലാക്കുന്നതെന്ന് ചിത്രത്തില്‍ വ്യക്തമല്ല. അവര്‍ വല്ല കൂടോത്രമോ കൈവിഷമോ ഉപയോഗിക്കുന്നുണ്ടോ എന്ന യാതൊരു സൂചനയും സിനിമയിലില്ല.   ഇത്ര  ബുദ്ധിശൂന്യരാണോ കേരളത്തിലെ പെണ്‍കുട്ടികള്‍ എന്ന് ന്യായമായും സംശയം ജനിപ്പിക്കുന്നു. ഈ ഭീകരസംഘത്തിന്റെ പ്രവര്‍ത്തനം ഇത്ര കണ്ടു വ്യാപിച്ചിട്ടും, ആയിരക്കണക്കിന്‍ സ്ത്രീകള്‍ എന്ന് പോലീസ് ക്രൈം റെക്കോര്‍ഡ്സ് ബ്യൂറോയുടെ കണക്കുകള്‍ ഉദ്ധരിച്ച് പത്രപ്രവര്‍ത്തകന്‍ പറയുമ്പോഴും, എന്തുകൊണ്ട് കേരളാ പോലീസ് ഇക്കാര്യത്തില്‍ അനങ്ങാതിരുന്നു, ഒരു നടപടിയും സ്വീകരിച്ചില്ല എന്നത് വ്യക്തമാക്കുന്നില്ല. ആരും ചിത്രത്തില്‍ അതിനെ ചോദ്യം ചെയ്യുന്നുമില്ല! 
            ആകെത്തുക: അഭിനേതാക്കള്‍ എല്ലാവരും ഒത്തിണക്കത്തോടെ അഭിനയിച്ചിരിക്കുന്നു എന്നതാണ് ഈ ചിത്രത്തിന്റെ ഒരു പ്രധാന പ്ലസ്‌ പോയന്റ്. എങ്കിലും ഈ ചലച്ചിത്രം മലയാളം കണ്ട ഏറ്റവും നല്ല ചിത്രങ്ങളില്‍ ഒന്നാകുന്നത് ഇതിന്റെ കഥയും തിരക്കഥയും സംവിധാന മികവും കാരണമാണെന്ന് പറയാതെ വയ്യ. അവിശ്വസനീയമായ രംഗങ്ങളിലൂടെ  പ്രേക്ഷകനെ പിടിച്ചിരുത്താനും വിശദാംശങ്ങളുടെ പ്രവാഹം മുഖേന കഥയ്ക്ക്‌ വിശ്വസനീയത കൈവരിക്കാനും മലയാളിയെ അമ്പരപ്പിക്കാനും ഒരു തിരിച്ചറിവ് നേടി എന്നഹങ്കരിക്കാനും സാധിച്ച ഈ സിനിമയ്ക്ക്‌ പുല്‍ചാടിയുടെ എല്ലാ ഭാവുകങ്ങളും. പടം തീയറ്ററുകളില്‍ കുറച്ചധികം കാലം തകര്ത്താടട്ടെ എന്ന് ആത്മാര്‍ഥമായി ആഗ്രഹിക്കുന്നു.               

36 comments:

  1. Some of my comments on Love Jihaad posts in other blogs:

    അനോണി സുഹൃത്തേ, ലവ് ജിഹാദ് ഉണ്ടോന്നു അന്വേഷിച്ചോളൂ, വേണ്ടാന്നു ആരു പറഞ്ഞു? ഒരു കാര്യം പറയട്ടെ: ഇതുവരെ തീവ്രവാദികള്‍ തങ്ങളുട്ടെ സംഘടനകള്‍ക്കും പ്രവര്‍ത്തനങ്ങള്‍ക്കും പേരിട്ടിരുന്നത് അറബി ഭാഷയിലാണ്, അമേരിക്കക്കാര്‍ക്ക് മനസ്സിലായിക്കോട്ടേ എന്ന് കരുതി ഇംഗ്ലീഷില്‍ അല്ല. ഇതിപ്പോള്‍ റോമിയോ ജിഹാദീസ്, ലവ് ജിഹാദ്, റോമിയോ ജിഹാദ് എന്നൊക്കെ പറഞ്ഞാല്‍ എല്ലാം കൂടി കൂട്ടിവായിക്കുമ്പോള്‍ വിശ്വസിക്കാന്‍ കുറച്ചു പ്രയാസം. സംഘ പരിവാറും മാധ്യമങ്ങളും ചര്ദ്ദിക്കുന്നത് താങ്കള്‍ വാരിത്തിന്നോള്ളൂ, ഞങ്ങളും അത് തന്നെ ചെയ്യണം എന്ന് വാശിപിടിക്കല്ലേ! സ്വന്തം പെണ്‍കുട്ടികളെ ഇങ്ങനെ താഴ്ത്തികെട്ടാതെ!

    തീവ്രവാദം തീര്‍ച്ചയായും എതിര്‍ക്കണം, അത് ഏതു ഭാഗത്തുനിന്നായാലും. കാര്യങ്ങള്‍ ചര്‍ച്ച ചെയ്യപ്പെടുകയും വേണം. വെള്ളാപ്പള്ളി എന്തുകൊണ്ട് പലതും പറയുന്നു എന്ന് രാജീവ്‌ എഴുതിയല്ലോ, അത് ശരിയാകാം തെറ്റാകാം. മുസ്ലിങ്ങള്‍ സാമ്പത്തിക വളര്‍ച്ച നേടിയിട്ടുണ്ട്, അത് അറബിനാട്ടില്‍ പോയി കൊടുംചൂടത്ത്‌ കഷ്ടപ്പെട്ട് അധ്വാനിച്ചിട്ടാണ്. കേരളത്തിന്റെ സമ്പത്ത്‌ - വ്യവസ്ഥയെ താങ്ങിനിര്‍ത്തുന്നത് എന്താണ് എന്ന് സുഹൃത്ത് വിവരമുള്ള വല്ല സാമ്പത്തിക വിദഗ്ദരോടും അന്വേഷിക്കുന്നത് നന്ന്. ക്രിസ്ത്യാനികളും കാശുണ്ടാക്കിയിട്ടുണ്ട്, അതെങ്ങനെ എന്ന് എനിക്കറിയില്ല, സഭയോട് ചോദിക്കണം.

    ശരിയാണ്, കേരളത്തില്‍ ന്യൂനപക്ഷ പ്രീണനം നടക്കുന്നുണ്ട്. അത് നിര്‍ത്തണം, എല്ലാവരും തുല്യരാവണം! മതപരിവര്‍ത്തനം നിരോധിക്കട്ടെ, കേരളത്തില്‍ നടക്കുന്ന മതപരിവര്തനങ്ങളെ പറ്റി വിശദമായി അന്വേഷണം നടത്തട്ടെ! വോട്ട് ബാങ്ക് എന്നുള്ളത് രാഷ്ട്രീയക്കാരുടെ മിഥ്യാ ധാരണ മാത്രമാണ്, അങ്ങനെ കൂട്ടമായി വോട്ടു ചെയ്യുന്ന മുസ്ലിമോ തിയ്യനോ, ദലിതനൊ കേരളത്തിലില്ല എന്ന് ഞാന്‍ കരുതുന്നു. ഉണ്ടായിരുന്നെങ്കില്‍ ചെങ്ങറ സമരത്തിന്റെയൊന്നും ഒരു ആവശ്യവും ഇല്ലായിരുന്നു.

    അവസാനമായി, ഇത്തരം ഒരു ചര്‍ച്ചയ്ക്ക് മലയാളി ആര്‍ജവം കാണിക്കണം, അനോണി ആയി കമന്റ് പോസ്റ്റുക അല്ല വേണ്ടത്.

    ReplyDelete
  2. ലവ് ജിഹാദ്, ക്ലിനിക്കല്‍ ജിഹാദ്, ബ്ലോഗ്‌ ജിഹാദ്, മീഡിയ ജിഹാദ്, ഹോട്ടല്‍ ജിഹാദ്, ഷെയര്‍ മാര്‍കറ്റ്‌ ജിഹാദ്, ബീഫ് ജിഹാദ്, ചിക്കന്‍ ജിഹാദ്, പിന്നെ ടീച്ചിംഗ് ജിഹാദ്! ഈ ഞാനൊരു ടീച്ചിംഗ് ജിഹാദി, ഹായ്‌!!

    ReplyDelete
  3. This comment has been removed by the author.

    ReplyDelete
  4. http://renjuadoor.blogspot.com/2009/10/blog-post.html

    ഓ, കമല സുരയ്യയെ വരെ ഇവന്മാര്‍ വീഴ്ത്തി! ഭയങ്കരന്മാര്‍ തന്നെ! ഇങ്ങനെ ആയിരക്കണക്കിന് വിദ്യാസമ്പന്നരായ പെണ്‍കുട്ടികളെ വളചെടുക്കണമെങ്കില്‍ ഇവര്‍ക്ക് ദുര്‍മന്ത്രവാദം അറിയുമോ എന്നാണ് എന്റെ സംശയം. നമ്മുടെ പെങ്കുട്ടികള്‍ക്കെന്തു പറ്റി, ഇത്ര ദുര്‍ബലചിത്തരാണോ അവര്‍?! Renju നന്നായി ഗവേഷണം നടത്തി, കൃത്യമായ കണക്കുകളും വിവരങ്ങളും. അഭിനന്ദനങ്ങള്‍!!

    ReplyDelete
  5. http://njjoju.blogspot.com/

    ശരിയാണ്, സ്ഥിരീകരിക്കാത്ത വിവരങ്ങള്‍ സത്യം എന്ന നിലയ്ക്ക് അവതരിപ്പിക്കുന്നത് അംഗീകരിക്കാന്‍ കഴിയില്ല. അത് തന്നെയാണ് എല്ലാവരും പറയുന്നത്.ലവ് ജിഹാദിന് മാധ്യമങ്ങള്‍ നിറം ചേര്‍ത്ത ഇത്രയും പ്രചാരണം നല്‍കിയതിനു ശേഷമാണ് താങ്കള്‍ ഇത് പറയുന്നത് എന്നും ഓര്‍ക്കുക. പോലീസിനെ അവിശ്വസിക്കാന്‍ മാധ്യമങ്ങള്‍ നമ്മെ പഠിപ്പിച്ചു കഴിഞ്ഞു. നാളെ പോലീസ്‌ ലവ് ജിഹാദ് ഇല്ല എന്ന് പറഞ്ഞാലും എത്ര പേര്‍ വിശ്വസിക്കും?!

    തെറ്റിദ്ധാരണകള്‍ പരത്തി സമൂഹത്തെ വിഭജിക്കുന്നതാണ് ഏറ്റവും വലിയ വിപത്ത്‌. ഞാനും ജോജുവും ഒരു കാര്യത്തെപറ്റി രണ്ടു സ്വരത്തില്‍ സംസാരിക്കുന്നത് തന്നെയാണ് അവരുടെ വിജയത്തിന്റെ ഏറ്റവും വലിയ തെളിവും.

    ReplyDelete
  6. http://rajeevcoup.blogspot.com/2009/10/blog-post_28.html

    ഞാനൊരു മുസല്‍മാന്‍ ആയ കോളേജ് അദ്ധ്യാപകന്‍ ആണ്. എന്നാണാവോ ഇവര്‍ "അധ്യാപന ജിഹാദ്" കണ്ടുപിടിക്കുന്നത്? എന്റെ കഞ്ഞി കുടി മുട്ടിക്കല്ലേ സാറന്മാരെ!! കൂടുതലും മീന്‍ കച്ചവടക്കാരും കോഴി-ബീഫ് കച്ചവടക്കാരും മുസ്ലിങ്ങള്‍ ആണ്. ഹോട്ടല്‍ മേഖലയിലും മോശമല്ല. നമുക്കൊരു "ജിഹാദ് പേര് നിര്‍ദേശ മത്സരം" നടത്തിയാലോ?

    ചിരിക്കുമ്പോഴും എന്റെ ഉള്ളില്‍ തീയാണ്. പടച്ചോനേ നീ കാക്ക്‌!

    ReplyDelete
  7. http://jokercircus.blogspot.com/2009/10/love-jihad_29.html

    കേശവന്‍ നായര്‍-സാറാമ്മ ജോഡികളുടെ കഥ പറഞ്ഞ വൈക്കം മുഹമ്മദ്‌ ബഷീര്‍ ആണ് ലവ് ജിഹാദികളുടെ ആത്മീയ ആചാര്യന്‍ എന്ന് എന്നാണോ ഇവര്‍ പറയാന്‍ പോകുന്നത്?! പ്രേം നസീര്‍ ഇവരുടെ സംഘടനയുടെ പ്രധാന ട്രെയിനര്‍ ആയിരുന്നു എന്നും വരാം!!

    ReplyDelete
  8. Hats Off Mr.Pulchadi.....

    ReplyDelete
  9. ഇതേപ്പറ്റി വായിച്ചുള്ള അറിവ് ഉള്ളൂ...
    ജോജു എഴുതിയതും, പുല്‍ച്ചാടി എഴുതിയതും വായിച്ചു...

    സത്യമെന്തെന്ന് പുറത്ത് വരും എന്ന് പ്രതീക്ഷിക്കാം...

    നിരപരാധികള്‍ ക്രൂശിക്കപ്പെടാതിരിക്കട്ടെ...

    ഒപ്പം ഈ ആരോപണത്തില്‍ എന്തെങ്കിലും കഴമ്പുണ്ടെങ്കില്‍ അത് തീര്‍ച്ചയായും നല്ല കാര്യമല്ല...

    ReplyDelete
  10. അനോണി സുഹൃത്തേ, നന്ദി!

    ഒന്നും തീര്‍ച്ചയായും നല്ലതിനല്ല, ജയന്‍! വൈകി പുറത്തു വരുന്ന സത്യത്തിനു പ്രത്യേകിച്ച് ഒന്നും ചെയ്യാനുണ്ടാകില്ല. നിരപരാധികള്‍... ഇവിടെ ഒന്നോ രണ്ടോ വ്യക്തികളുടെ പ്രശ്നമല്ല, ഒരു സമുദായത്തെ ഒന്നടങ്കം കരിവാരി തേക്കുന്നതിന്റെ വിഷമമാണ്! സമൂഹം ഭിന്നിക്കപെട്ടു കഴിഞ്ഞു, അതിനി ആരെന്തു പറഞ്ഞാലും പഴയ പോലെ ആവില്ല.

    ReplyDelete
  11. നല്ല നിരൂപണം.

    അടുത്ത ചിത്രം ‘ ക്ലിനിനിക്കല്‍ ജിഹാദ് ഇന്‍ മെട്രോ ‘ എന്ന സിനിമയെ പറ്റിയും നിരൂപണം ഉണ്ടാകും എന്ന് കരുതുന്നു.

    ReplyDelete
  12. Pulchaadi..it is quite unfortunate that you are targeting the judiciary for ordering a probe on love jihad. The Judge was only exercising his duty when he ordered to submit a report on love jihad since there were allegations that such an outfit functions. Do you think there was another option for the judge than to order investigation on the matter since the truth is to come to light? Unless an investigation takes place how do you expect the truth to come out? Since a judge can not investigate these things by himself, it is only natural that he refers the matter to police for investigation. More importantly, in his Order to conduct investigation he categorically stated that every person has the fundamental right to select another for marriage and religion does not affect that fundamental right. Thus he was upholding the right of persons to marry anyone irrespective of religion and also looking in to the truthfulness of the allegation. it is sad to see that you are making allegations against judiciary without even getting the basic facts right. let me tell you that making comments and statements over public institutions without having knowledge over the matters is not a good sign for a professor. If You believe that the media is doing the same thing against Islam, you try not to repeat their mistake.

    ReplyDelete
  13. sir, with these whole lot of love jihadi's and their international relations it needs to be investigated whether Mulla Omar and Laden had played any Romantic tricks to convert Ivon Ridley to Islam. Investigations need to be to be carried on whether this Love Jihadi's have any active women's fron't as even the boxer Muhammed Ali clay seems to be once victim to the seductions of a female love jihadi. Though late our IB, Government and Medias have started recognising. Now it's up to the FBI and Obama to efficiently carry it out on an international level.

    ReplyDelete
  14. http://rajeevcoup.blogspot.com/2009/10/blog-post_07.html

    ഇവിടെ പ്രണയം നിരോധിക്കട്ടെ, മതം മാറ്റം നിരോധിക്കട്ടെ! അല്ലെങ്കില്‍ വേണ്ട, ഹിന്ദു പെണ്‍കുട്ടികള്‍ ഹിന്ദു പയ്യന്മാരെ മാത്രം പ്രണയിക്കട്ടെ, മുസ്ലിം പെണ്‍കുട്ടികള്‍ മുസ്ലിം പയ്യന്മാരെ മാത്രം! നായന്മാര്‍ നായന്മാരെയും നമ്പൂരിമാര്‍ നമ്ബൂരിമാരെയും ചെറുമന്‍ ചെരുമനെയും മാത്രം പ്രേമിക്കട്ടെ! പൈസക്കാരന്‍ പൈസക്കാരിയെയും തിരിച്ചും, പിച്ചക്കാരന്‍ പിച്ച്ചക്കാരിയെയും!! പ്രേമം തുടങ്ങുന്നതിനു മുന്‍പ്‌ പയ്യന്റെ ബയോടാട്ട മാതാപിതാക്കളെ കാണിച്ചു അനുഗ്രഹം വാങ്ങുന്നതും നല്ലതാണ്.

    എന്ന് ഒരു ക്രൂരനും ഭീകരനുമായ (അത് പിന്നെ പറയണോ?!) ലവ് ജിഹാദ് മതക്കാരന്‍.

    ReplyDelete
  15. And I should add that the Court also observed that every person has a fundamental right to profess any religion of his choice. the Court reiterated the right of a person to convert to another religion. I think there can not be anything more than that to prove the bona fides of the court. I should say that there should be some material when you to criticize the actions of an institution.

    ReplyDelete
  16. Sir, we do know that if d judge did ask just for an investigation, it was well and fine. But the terms that the court used were well from the old books of sangh parivar. Jihad for a muslim means striving for excellence. The term does have a divinity in it. "athu matte painkili Kathayalla". And the important thing is that though there are no 'manorama' and 'janmabhumi' to speak for this muslims, they too have a case to raise. As usual why didn't this court consider the girls words (above 18) as the basis of jurisdiction, which it often did when there were similar cases on the opposite poles too. These muslims were ofcourse aware of the ill effects it could bring about to the society if they coin the terms,

    "LOVE MAHABHARATHA"
    And
    "ROMEO KURUKSHETHRA".
    Sangh parivar and their medias must understand that Islam does not have any more vacancies for such converted girls and boys who wan'ts to be loyal towards their love and not towards their religion. And every muslim basically have an idea that there is no forced or seduced conversion to islam.

    ReplyDelete
  17. Friend Jennis,

    Hope you are the same Lawyer who posted in Rajeev's Blog!

    Did I accuse the judiciary of foul play? I haven't! What I meant was by passing comments on reports aired by the Hindu right-wing media and by asking the police to investigate in to the matter further, the honourable High Court of Kerala has in a way (or it was so projected by the media) provided credibility to the accusations. It further provided standing ground for the right-wing extremists to strengthen their accusations and to make this the hot topic among the general public. Through a spate of recent accusations against police reports, the media has already created doubt in the minds of people regarding police investigations. It is sure, even if the police submits a report claiming that there is no Love Jihaad in Kerala, nobody is going to believe them! It will be rejected as "Minority appeasement" or "Vote-bank politics"!!

    Isn't it weird that in this case, even when the girls not being minors and asking to go with their husbands, they were sent off with the parents?! Do you think any girl would be strong enough to withstand a seven-day course of mental/physical torture and emotional blackmail, especially from her parents?!

    I don't have either the court rulings or the report of the police with me. If you have copies, please do send them to me!

    Through my post I was only expressing a teacher's anguish at the deep rift that was created in Kerala society, by whom doesn't matter. Just as a pinch of sugar dissolved in a glass of water cannot be taken back, the accusations and the doubts would remain in the minds of people. It will only grow with time like a cancer, spreading hate and distrust among communities!

    May God save us Keralites!!

    ReplyDelete
  18. And Jennis,

    I was not targeting judiciary for ordering a probe on Love jihaad (As if I am a Jihaadi and I am pissed with the court, hehe!). Don't put words in my mouth!

    Not only a professor, every citizen should exercise restraint while accusing public institutions (including the Police). That much about social responsibility and accountability of a teacher!

    To tell you the secret, I want this discussion to go on. I want this to be probed to the last root. I want the exact numbers of conversions till now in Kerala to and from each and every religion. I want the conversions stopped if it comes to that. I want inter-religious marriages banned.

    If love jihad exists, I want every jihaadi grilled and fried in a red-hot oven. What will our Muslim sisters do if all these buggers go behind Hindu girls? Shall they wait for some "Love Kshathriya" to come and claim them?!

    I don't want Malayali to forget this issue as every other (that's what some want, just to create a smoke-screen)!

    I mean it!!

    ReplyDelete
  19. This comment has been removed by the author.

    ReplyDelete
  20. വിഷയവും ആയി ബന്ധപ്പെട്ട് മറ്റൊരു ബ്ലോഗില്‍ ഞാന്‍ ഇട്ട ഒരു കമ്മെന്റ് ഇവിടെ ചേര്‍ക്കട്ടെ .

    എന്റെ വീടിനു തൊട്ടു അടുത്തുള്ള ഒരു മുസ്ലിം പെണ് കുട്ടി കര്‍ണ്ണാടകയില്‍ ബി ഡി എസിന് പഠിക്കുന്ന കാലത്ത് അവളുടെ കൂടെ പഠിക്കുന്ന , ഉയര്‍ന്ന ജാതിയിലുള്ള ഒരു ഹിന്ദു യുവാവുമായി പ്രണയത്തിലാവുകയും തുടര്‍ന്ന് അവര്‍ കല്യാണം കഴിക്കുകയും ചെയ്തു ..സ്വാഭാവികം ആയും അവളുടെ വീട്ടുകാര്‍ അവളെ കയ്യൊഴിഞ്ഞു , ഒറ്റ മോനായിട്ടു കൂടി അവന്റെ വീട്ടുകാരും അവരെ കയ്യൊഴിഞ്ഞു ...

    ഇരു വീട്ടുകാരും കയ്യൊഴിഞ്ഞ അവര്‍ , പ്രത്യേകിച്ച് ഒട്ടും സെറ്റില്‍ ആകാത്ത ഇരുവരും , ലോഡ്ജ് റൂമില്‍ ഒറ്റപ്പെട്ടു താമസിക്കവേ , മാസങ്ങള്‍ക്കു ശേഷം അവളുടെ വീട്ടുകാര്‍ അവരെ അവന്‍ മുസ്ലിം ആവുകയാണെങ്കില്‍ സ്വീകരിക്കാന്‍ തയ്യാറാണെന്ന് അറിയിച്ചു .. തുടര്‍ന്ന് അവന്‍ ഇസ്ലാം സ്വീകരിക്കുകയും പേര് മാറ്റുകയും ചെയ്തു .. ഇപ്പോള്‍ ഇരുവരും ഒരു ഡെന്റല്‍ ക്ലിനികില്‍ വര്‍ക്ക്‌ ചെയ്യുന്നു .

    ഇവിടെ പ്രത്യേകം ശ്രദ്ധിക്കേണ്ട ഒരു വസ്തുത , ഹിന്ദു മതത്തിലേക്ക് മത പരിവര്‍ത്തനം നടത്തുന്നത് വളരെ അപൂര്‍വ്വം ആണെന്നാണ്‌ എന്റെ അറിവ് .. ജാതി തുടങ്ങി സാങ്കേതിക പ്രശ്നങ്ങള്‍ വേറെയും .. ചുരുക്കത്തില്‍ മിക്ക മിശ്ര വിവാഹിതര്‍ക്കും ഒറ്റപ്പെടല്‍ അതിജീവിക്കാന്‍ കഴിയാതെ വരികയും മത പരിവര്‍ത്തനം നടത്താതെ കുടുംബങ്ങളിലേക്ക്‌ ഇണയെ ക്കൂട്ടി മടങ്ങാന്‍ കഴിയാതെ വരികയും ചെയ്യുന്നു .. ഹിന്ദു മതത്തെ അപേക്ഷിച്ച് ഇസ്ലാമിലേക്ക് എളുപ്പത്തില്‍ കടന്നു വരാം എന്നതിനാല്‍ അവര്‍ അതിനു ഒരുങ്ങുന്നു എന്നത് കൂടി കാരണം ആകാം ..കാരണം ഇസ്ലാം ഒരു ആദര്‍ശ സംഹിതയാണ് ...ഹിന്ദു മതത്തിലെ ജാതി പോലെ ജന്മനാ ലഭിക്കുന്ന ഒന്നല്ല എന്നര്‍ത്ഥം .

    എന്ത് കിട്ടിയാലും ഒരു സമുദായത്തെ ഒട്ടാകെ അടിക്കാനും അങ്ങിനെ ആ സമുദായത്തെ കൂടുതല്‍ അന്യവല്‍ക്കരിക്കാനും നടത്തുന്ന ആസൂത്രിത ശ്രമങ്ങളില്‍ അറിഞ്ഞും അറിയാതെയും പങ്കാളികള്‍ ആകാന്‍ ശ്രമിക്കുന്നവരുടെ ശ്രദ്ധയില്‍ ഒരു ഖുറാന്‍ വാക്യം അറിയിക്കട്ടെ .

    "ഒരു സമൂഹത്തോടുള്ള അമര്‍ഷം അവരോടു അനീതി കാണിക്കാന്‍ നിങ്ങളെ പ്രേരിപ്പിക്കാതിരിക്കട്ടെ ".(വിശുദ്ധ ഖുറാന്‍ )

    ഓ.ടോ
    മംഗലാപുരത്തുള്ള ഒരു ഹിന്ദു യുവാവ് പതിനേഴില്‍ പരം സ്ത്രീകളെ പ്രണയിച്ചു വശീകരിച്ചു , സൈനൈഡ് കൊടുത്തു കൊന്ന സംഭവം വായിച്ചു ..ദൈവമേ അതെങ്ങാനും ഒരു മുസ്ലിം യുവാവ് ആയിരുന്നെങ്കിലോ .. ലവ് ജിഹാദിന് ഏറ്റവും വലിയ ഉദാഹരണം മറ്റൊന്ന് എന്തിനു പിന്നെ ?

    ReplyDelete
  21. ഫൈസല്‍,
    താങ്കള്‍ പറഞ്ഞത് നേരാണ്: "മോഹന്‍ കുമാറിനു" പകരം "മുഹമ്മദ്‌ കോയ" ആയിരുന്നെങ്കില്‍?! കോയ ചക്ക പോലെ കൊയഞ്ഞേനെ!

    അന്യ മതസ്ഥരെ പ്രേമിച്ചു വിവാഹം കഴിക്കുന്നത് എന്നും എല്ലായിടത്തും നടക്കുന്ന കാര്യമാണ്. ഹിന്ദു മതത്തിലെ ചാതുര്‍വര്‍ണ്യ പരിമിതികള്‍ കാരണം ആ മതത്തിലേക്ക് ഒരു മാറ്റം എളുപ്പമല്ല. പലപ്പോഴും ഇസ്ലാമിലേക്ക് മതം മാറ്റത്തിന് കാരണവും ഇത്തരം പ്രായോഗിക ചിന്തകളാണ്.

    ഒരു ഹോസ്റ്റലില്‍ താമസിച്ചു ഒരു കോളേജില്‍ ഒരേ ക്ലാസ്സില്‍ പഠിക്കുന്ന നാല് കുട്ടികള്‍ ഒരേ സമയം ഒരുത്തനെ പ്രേമിക്കുന്നു, ഒരുത്തി പിന്മാറുന്നു, ഒരുത്തിക്ക് മനോരോഗം വരുന്നു, ബാക്കി രണ്ടുപേര്‍ ഒരേ സമയം ഹോസ്റ്റലില്‍ നിന്ന് പുറത്തു ചാടി ഇവന്റെ കൂടെ ഒളിച്ചോടുന്നു, അവന്റെ പ്രേരണയാല്‍ മതം മാറുന്നു, ഒരുത്തിയെ അവന്‍ കെട്ടുന്നു, മറ്റവളെ സുഹൃത്തിനെ കൊണ്ട് കെട്ടിക്കുന്നു!! ഇതെന്താ യാഷ്‌ ചോപ്രയുടെയോ കരന്‍ ജോഹരിന്റെയോ സിനിമയാണോ? ഇത് കേരളം തന്നെയല്ലേ? വിദ്യാസമ്പന്നരും ബുദ്ധിമതികളുമായ കുട്ടികളെ ഇങ്ങനെ കുടുക്കണമെങ്കില്‍ ഇത് വല്ല കൂടിയ ചാത്തന്‍ സേവയും ആയിരിക്കും. എന്തോ കേട്ടിട്ടങ്ങട്ട് ദഹിക്കുന്നില്ല!

    ReplyDelete
  22. My comment on Joju's Blog:
    http://njjoju.blogspot.com/2009/10/blog-post.html

    The Kerala High court today ordered a probe into the ‘Love Jihad ‘ campaign propagated by Popular Front.

    താങ്കള്‍ നല്‍കിയ asianetindia.com വാര്‍ത്തയില്‍ ആദ്യത്തെ വാചകം ആണിത്. കോടതി ഇത് ശ്രദ്ധിച്ചില്ലേ ആവോ, ഇനി പോലീസിന്റെ ആവശ്യം ഒന്നും ഇല്ലല്ലോ?! ഇത് ചെയുന്നത് Popular Front ആണെന്ന് ഏഷ്യാനെറ്റ്‌ കൃത്യമായും വ്യക്തമായും കണ്ടുപിടിച്ചു കഴിഞ്ഞല്ലോ!!

    വാര്‍ത്ത തുടരുന്നു:
    The Court has ordered for a through investigation into the monitory source of Love Jihad, its National and International link, nature of the outfit and cases registered against the outfit for carrying out religious conversions.

    ഇതില്‍ നിന്ന് മനസ്സിലാവുന്നതെന്താണ്: ലവ് ജിഹാദ് ഒരു യാഥാര്‍ത്ഥ്യം മാത്രമാണ്, അതില്‍ ഒരു ചോദ്യത്തിന് പ്രസക്തിയില്ല! അന്വേഷിക്കപെടെണ്ടത് അതിനെ സംബന്ധിച്ച മറ്റു കാര്യങ്ങള്‍ ആണ്. പുടി കിട്ടിയാ? ഏഷ്യാനെറ്റ്‌ ആരാ മോന്!

    ReplyDelete
  23. I do not know if there is any such thing as love jihad. But i had access to some of the police reports relating to the conversion of some girls as well as some statements made by the girls which i am not at liberty to disclose due to professional and personal compulsions. But I can surely say that if those reports and statements are to be believed, there was some conspiracy and planning at large scale behind the conversion of these girls. at the same time I should say that I havnt come across the name love jihad during my limited research over the matter.

    As regards the circumstances under which the girls were sent with their parents i have explained it in another blog (i guess it is rajeev's blog as stated by pulchadi)in the name lawyer. I wish to add that statement to the effect that Courts discriminate between girls produced before it based on their religion is from sheer ignorance of law.

    ReplyDelete
  24. As far as access to reports goes, I am a big cipher! I trust you when you say u have access, even though I do not know who you are. Let the authorities investigate the matter and find the truth!

    But I smell foul play regarding the kind of media propaganda being unleashed. Look at this news (and read my comment above):
    http://www.asianetindia.com/news/hc-orders-probe-love-jihad_84256.html

    If mainstream media like Asianet resort to spreading such falsehood, what should we expect from others? Shall some body tell them that "making comments and statements over public institutions without having knowledge over the matters is not a good sign for a responsible media"?!

    Statement to the effect that Courts discriminate between girls produced before it based on their religion is from sheer ignorance of law

    Again..., Did I say so? Even if I had, do you think all the court rulings till date were fool-proof, no matter who delivered the verdict? Can you say a verdict will be the same whether given by Judge A or Judge B?!

    ജെന്നിസ്, കണ്ണടച്ചാലും ഇരുട്ടാകും കണ്ണടച്ചില്ലെങ്കിലും ഇരുട്ടാകും, ന്നാ കണ്ണടച്ചേക്കാം ല്ലേ?! ഇവിടെ ഒരു ഗംഭീര കളി നടക്കുകയാണ്. കളി അറിയാമെങ്കില്‍ മാത്രം കാണുക!

    ReplyDelete
  25. a quick reply due to paucity of time..

    "Let the authorities investigate the matter and find the truth!"
    This is exactly what the jdge said. he never said there is any thing called love jihad. And i thought wew were discussing on love jihad and not on the impact of individual perspectives f judges on their decisions which has been and still is subject to vast jurisprudence. I am ready to discuss on that too but later.

    P.S. I cant force u to believe anything. Neither that is my intentio. My only intention is to analyse things in an objective manner.

    ReplyDelete
  26. കൊള്ളാലോ മാഷേ!!

    കുറിക്കു‌കൊള്ളുന്ന സറ്റയര്‍!!

    ReplyDelete
  27. I am quoting this from the Statement filed by DGP, Kerala before the High Court.
    "At the same time there are reasons to suspect that there are concerted attempts to persuade girls to change their religion after they fall in love with Muslim boys. There is also unconfirmed source information received by the department that some groups are actively working among youngsters encouraging conversions by such techniques; that young men who are engaged in such pursuits are said to be receiving funds from abroad directly or indirectly for purchasing clothes and vehicles and for availing legal help etc; that they have links with other places in India also."

    ReplyDelete
  28. This comment has been removed by the author.

    ReplyDelete
  29. Jennis,

    I find Objectivity too can be rather relative!

    And my intention in writing this post was not to denigrate the court or question its verdicts. No, I don't want them initiating the contempt procedures against me! I just wanted to lay bare the glee and enthusiasm with which our mainstream media celebrated the verdict and started on a propaganda mission. The earlier mentioned news item was just one example.

    I understand your good intentions and also respect your emotions as a part of the judiciary. I don't want to discuss the matter of Judicial Activism with you as it will see no end.

    Statement of the DGP clearly said that there is no Love Jihad in Kerala. And he adds some of his (or his team's) assumptions as facts. Is it the way to file an affidavit in such a delicate matter when you are not even 50% sure of something, as a highly responsible member of the government machinery?!

    ReplyDelete
  30. Of Course i can understand the anguish when a community is targetted and I respect your right to criticise something which you feels is objectionable. My only area of concern in your blog is that people inmcluding you have an impression that Judges are acting on the basis of media reports. I can say from my personal experience that such a notion is not at all correct. I can also say that in numerous instances (if not all)the version of media on judical pronouncement is far from true.

    Btw the Court has asked the DGP to submit to him the materials on the basis of which he has prepared the statement.

    ReplyDelete
  31. Jennis,

    I was away on a week-long study tour, sorry for the late reply!

    Your last statement is a consolation. The message I intended to convey through this post and the subsequent discussion on it is hopefully conveyed. I understand and value your standpoint and its the same vice versa, I hope!

    It was nice meeting you and it was a great invigorating experience conversing with you, thank you!!

    ReplyDelete
  32. Riyaz.. Mutual feelings...

    Today the issue was again taken up in Court. In fact, there was representation from an NGO against the use of the term 'Love Jihad'. The Judge clearly said that the Court has never taken a view that there is any such thing as 'love Jihad'.

    ReplyDelete
  33. This comment has been removed by the author.

    ReplyDelete
  34. Nice to hear! I am looking forward to reading newspaper versions tomorrow!

    ReplyDelete
  35. My comment on http://vallikkunnu.blogspot.com/2009/11/blog-post_12.html

    അങനെ ലവ് ജിഹാദ് ഇല്ല.. മൊയ്തീനെ നാടു കടത്തണ്ടാ.. എന്നൊക്കെ പറയാന്‍ വരട്ടെ; അച്ചായന്‍ അങനെ ഉറപ്പിച്ചു പറഞിട്ടില്ല!

    ഒരു തമാശ്ശകമന്റിടാം എന്നു കരുതിയാ വന്നത്. പക്ഷെ വേണ്ട! റിയാസ് പറഞ്ഞ പോലെ സ്റ്റേഷന്‍ തിരിച്ചും ജില്ല തിരിച്ചുമുള്ള കണക്കാണു പലരും സത്യം എന്ന നിലയില്‍ വിളമ്പിയത്. ആ ധാറ്ഷ്ട്യം അന്വേഷിക്കപ്പെടേണ്ടതല്ലേ?!

    പഴുപ്പില്‍ കുത്തി നാറ്റിക്കരുതെന്ന്! ആരാണു പഴുപ്പിച്ചത് ഹേ? ഇതു നാറണം , അവസാനം കണ്ടെത്തുന്നതു വരെ നാറിക്കൊണ്ടിരിക്കണം !!

    ഒരു സമുദായത്തെ മുഴുവന്‍ സം ശയത്തിന്റെ ഗര്‍ ത്തത്തിലേക്കു തള്ളിയിട്ട് മാധ്യമങള്‍ അടുത്ത കഥ മെനയുന്നു! ആരാണിതിനുത്തരവാദി?

    കേസീബീസീയ്ക്കോ സം ഘപരിവാറിനോ അങനെ എളുപ്പത്തില്‍ തലയൂരാന്‍ കഴിയുമോ? ലവ് ജിഹാദ് ഇനിയും അന്വേഷിക്കപ്പെടട്ടെ, എല്ലാ വശങളും ; ഒരു സമുദായത്തിനെതിരെയുള്ള ഗൂഡാലോചനയടക്കം .

    ReplyDelete
  36. http://berlytharangal.com/?p=3381

    ബെര്‍ളീ, സെക്സ്‌ ജിഹാദിനെ പറ്റി ഞാന്‍ ചിന്തിച്ചിരുന്നില്ല, അത് കലക്കി!

    ലവ് ജിഹാദ് ഉണ്ടോ ഇല്ലയോ എന്ന് ഇപ്പോഴും അച്ചായന്‍ തെളിച്ചു പറഞ്ഞിട്ടില്ല. സ്റ്റേഷന്‍ തിരിച്ചും ജില്ല തിരിച്ചുമുള്ള കണക്കാണു പലരും സത്യം എന്ന നിലയില്‍ വിളമ്പിയത്. ആ ധാറ്ഷ്ട്യം അന്വേഷിക്കപ്പെടേണ്ടതല്ലേ?! എന്തുകൊണ്ട് കോടതി കേരളത്തിലെ മതം-മാറ്റങ്ങളെക്കുറിച്ച് മുഴുവന്‍ അന്വേഷിക്കാന്‍ ഉത്തരവിടുന്നില്ല?! ആരൊക്കെ എവിടുന്നു എവിടേക്ക് മാറി, എന്തുകൊണ്ട് മാറി, എന്തായിരുന്നു പ്രലോഭനം, അന്വേഷിക്കട്ടെ! എന്തുകൊണ്ട് അന്വേഷണം ലവ് ജിഹാദ് എന്ന മായികപദത്തില്‍ ഒതുങ്ങിപ്പോയി?!

    ചിലര്‍ പറയുന്നു പഴുപ്പില്‍ കുത്തി നാറ്റിക്കരുതെന്ന്! ആരാണു പഴുപ്പിച്ചത് ഹേ? ഇതു നാറണം , അവസാനം കണ്ടെത്തുന്നതു വരെ നാറിക്കൊണ്ടിരിക്കണം !!

    ഒരു സമുദായത്തെ മുഴുവന്‍ സംശയത്തിന്റെ ഗര്‍ത്തത്തിലേക്കു തള്ളിയിട്ട് മാധ്യമങള്‍ അടുത്ത കഥ മെനയുന്നു! ആരാണിതിനുത്തരവാദി? മാധ്യമങ്ങളുടെ പ്രചാരണ മത്സരത്തിനും മറ്റു പല രഹസ്യ അജണ്ടകള്‍ക്കും ഇരയായി പാര്ശ്വവല്‍ക്കരിക്കപ്പെടാനുള്ളതാണോ മുസ്ലിം സമുദായം?

    കേസീബീസീയ്ക്കോ സംഘപരിവാറിനോ അങനെ എളുപ്പത്തില്‍ തലയൂരാന്‍ കഴിയുമോ? ലവ് ജിഹാദ് ഇനിയും അന്വേഷിക്കപ്പെടട്ടെ, എല്ലാ വശങളും; ഒരു സമുദായത്തിനെതിരെയുള്ള ഗൂഡാലോചനയടക്കം.

    ReplyDelete

Please spare a moment to scribble something; Let's know you visited!

Related Posts with Thumbnails